Viđas čájáhusas

Jeremy Perrelle, USA

Outi Pieski "Kultatakki/Gollegákti/Golden gákti" 2007

"Čuvla muittuha munnje mu mánnávuođa New Yorka boaittobealde. Mu oabbá lávii ráhkadaddat áđažiid suoskangummebáhpáris, eai mis lean nu ollu duhkorasat. Dat badjánahttá maid mu jurdagiidda amerihkálaš álgoálbmogiid  ”jingle dress”, maid sii geavahedje go dánso iežaset árbevirolaš dánssuid. Dain leat ollu ivnnit ja dolggit. Mu favorihttaoassi čájáhusas lea sámi duojit, daid mun buorášan sakka."

 

Mary Dowling, Irlánda

Stikkord

Hanne Grieg Hermansen "Namakeahttá/Unnamed"

"Teknihkka mii lea geavahuvvon dáidagis lea hui geasuheaddji. Mun gádden ahte dat lea fotogovva, muhto go jovden áibbas lahka dan, de oidnen ahte dat han lea sárgojuvvon. Govva lea sierralágan ja áidnalunddot, ja nu nuorra dáiddára erenoamážit bures dahkkojuvvon dáidda. Mu mielas lea olles čájáhus miellagiddevaš, erenoamážit liikon čiŋaide mat čájehuvvojit 1. gearddis. Go mun boađán ruoktot Irlándii, de áiggun lohkat ja oahppat eambbo sámi dáidaga birra." 

 

George ja Margareth, Englánda

Stikkord

Gjert Rognli & Asbjørn Forsøget "Ja, Lihhkastat Gotta Doložis/And, the Movement from the Past" 2005

"Munno mielas čájáhus lea hui beroštahtti. Erenoamážit moai liikojetne eambbo politihkalaš dáidagii, namalassii ovdamearkka dihtii dasa maid dát videoráhkadus čájeha munnuide. Dehálaš lea ahte servodahkii gullevaš áššit ge bohtet ovdan, ahte identitehta ja árbevirolaš johttieallin soitet leat áitojuvvon. Dakkár dáidda galggašii oažžut stuorra saji. Muđui liikojetne hui bures biktasiidda vuollin mat leat plastihkas dahkkojuvvon, ivnnit leat áibbas erenoamážat."

 

Fergus ja Sarah O’Kane, Irlánda

Stikkord

Duodjii og Dáidda

"Moai šadde hui diehtoáŋgirat beassat diehtit eambbo sámiid kultuvrra ja historjjá birra go moai galledetne dán čájáhusa. Muhtun láhkai muittuhit áđat munnuide Irlándda historjjá, neolihtalaš hávddiiguin. Seammás moai oidne ahte sámi kultuvra lea hui ealli kultuvra, dološ Irlándda kultuvrra ektui mii eallá vássánáiggis. Ivnnit leat áibbas jáhkkemeahttumat, munnos livččii miella boahtit ruovttoluotta deike oaidnin dihtii  mo dat ivnnit luonddus mat leat vuoigŋašuhttán dáiddáriid, leat oaidnit geasset." 

 

Lionel Perabo, Romsa

Britta Marakatt-Labba "Gádjunbáttit/Lifelines" 2009

"Mun liikon hui bures dán dáidagii. Hearvagoarrun muitala sámi historjjá iežas ivnniiguin ja detáljjaiguin. Dat lea hui myhtalaš, ja muittuha mu mielas Bayeux-ránu Ránskkas. Dán dáiddára dáiddadagus heaŋgá maiddái Romssa universitehtas – Norgga árktalaš universitehtas, mu mielas sus lea áidnalunddot muitalanvuohki." 

Maŋŋebárga 07. March 2017

Andre nyheter

NNKM kåret til Årets Museum 2017!

Duorastat 30. March 2017

Bálddalas duohtavuohta

Gaskavahkku 29. March 2017

Rabasáiggit jagi 2017 beassážiid

Gaskavahkku 22. March 2017

Bures Boahtimisttádet!

Maŋŋebárga 14. March 2017

Viđas čájáhusas

Maŋŋebárga 07. March 2017

Evttohuvvon Jagi Musean 2017

Vuossárga 06. March 2017

Sámi Dáiddamusea lea rabas!

Maŋŋebárga 14. February 2017